Суҳроб Бердиев: "Ёшлигимдаёқ "Пахтакор"да ўйнашни орзу қилардим"

"Гарчи жамоага янги келиб қўшилган бўлсам-да деярли барча футболчиларни танийман. Баъзилар билан олдин бошқа клубда бирга ўйнаганмиз, яна айримлари билан ёшликдан бирга ўсганмиз, қолганлар билан эса терма жамоа йиғинларида танишганмиз. Шу боис янги муҳитга мослашиб кетишда ҳеч қандай муаммо бўлгани йўқ. Элитанинг икки-уч жамоасидан чорловлар бўлди. Аммо "Пахтакор"нинг таклифини қабул қилдим. Мен ёшлик пайтларимдаёқ агар бир кун футболчи бўлсам, "Пахтакор"да ўйнашни орзу қилардим. Орадан йиллар ўтиб мана шу орзумга эришдим", - дейди Суҳроб Бердиев "Футбол Экспресс" газетасига берган интервьюси чоғида.