Суарес "Сиэтл" ходимига тупургани учун 6 ўйинга дисквалификация қилинди
06 сен 2025 13:46
Янгиликлар
Суарес "Сиэтл" ходимига тупургани учун 6 ўйинга дисквалификация қилинди
"Интер Майами"нинг уругвайлик ҳужумчиси Луис Суарес Лига Кубоги финал учрашувидаги мағлубиятдан сўнг "Сиэтл Саундерс" клуби ходимларидан бирига тупургани учун 6 ўйинга дисквалификация қилинди. Бу ҳақда AP агентлиги хабар берди.
Ўйиндан кейинги тортишувдан сўнг "Сиэтл" мураббийлар штаби вакили Стивен Ленхарт (5 ўйин) ва "Интер Майами"нинг икки нафар футболчиси – ҳимоячи Томас Авилес (3) ва ярим ҳимоячи Серхио Бускетс (2) ҳам четлаштирилди. Дисквалификация фақат Лига Кубоги ўйинларига тааллуқлидир ва дисквалификация қилинган ўйинчиларнинг Асосий футбол лигаси (MLS) ўйинларида иштирок этишига тўсқинлик қилмайди.
Учрашув 1 сентябрь куни бўлиб ўтган ва "Сиэтл"нинг ғалабаси (3:0) билан якунланган. Ўйиндан сўнг Суарес техник ҳудудга бориб, рақиб штаб аъзоларидан бирига тупурганди. Кейинроқ футболчи ўз хатти-ҳаракати учун узр ҳам сўради.
Ўхшаш янгиликлар
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Фикрлар