"Спартак"нинг устидан судга мурожаат қилинган. "Откритие Арена" мухлислар учун 90 кунга ёпилиши мумкин
08 окт 2020 00:24
Янгиликлар

"Спартак"нинг устидан судга мурожаат қилинган. "Откритие Арена" мухлислар учун 90 кунга ёпилиши мумкин

Роспотребнадзор (Истеъмолчилар ҳуқуқларини ҳимоя қилиш ва инсонлар фаровонлигини назорат қилиш билан шуғулланувчи федерал хизмат) РПЛ 10-тури доирасидаги "Зенит"га (1:1) қарши ўйиндан кейин "Спартак" устида судга мурожаат қилган.

Ташкилот баёнотида клуб ижтимоий масофа ҳамда трибунадаги мухлисларнинг карантин чекловларига амал қилмаганини даъво қиляпти. Қоидабузарликлар ҳар 2 жамоа мухлислари томонидан содир этилган.

Шунингдек, стадионда 20,7 минг томошабин бўлгани ҳақида хабар қилинган (стадионнинг умумий сиғими 45 минг кишига мўлжалланган).

Москвадаги Роспортребнадзор маъмуриятининг ҳудудий бўлими мутахассислари қайд этилган қоидабузарликлар асосида маъмурий текширув бошлади.

Натижада, клуб бош директори Шамиль Газизов ва "Футбольный клуб "Спартак-Москва" АЖга нисбатан суд даъвоси қўзғатилган, барча материаллар Тушинский тумани судига юборилган.

"Ушбу ҳолатда мансабдор шахслар 50 мингдан 150 минг рублгача, юридик шахслар 200 мингдан 500 минг рублгача жаримага тортилиши, муассаса фаолиятини маъмурий тартибда 90 кунгача тўхтатиб турилиши мумкин", – дейилади ташкилот баёнотида.

"Спартак" Шекага қизиқяпти

Ҳавола :

Манба : 77.rospotrebnadzor.ru

Янгиликларни Телеграмда ўқинг!

Рейтинг: