"Сўғдиёна" раҳбариятида ўзгариш

Бир неча йиллардан бери "Сўғдиёна" ПФК жамоаси ижрочи директори лавозимида ишлаб келаётган Дилшод Ражабов шу йилнинг 3 январь куни истеъфога чиқарилди. Унинг ўрнига эса 1996-2002 йилларда "Сўғдиёна" шарафини ҳимоя қилган ярим ҳимоячи, футболни эса жароҳати туфайли тарк этган Жамшид Одилов тайинланди.

Жамшид Одилов билан қисқа фурсатли суҳбатимизда, у киши клубда барча йўналишлардаги ишларни ривожлантириш режаларини амалга оширишга ҳаракат қилишини, Жиззах футболини янада шуҳрат қозониб, ўз обрўсини тиклаб олишига имкон қадар ҳаракат қилишини таъкидлаб ўтди.