“Сўғдиёна” иккинчи лига клуби билан дуранг ўйнади

Бу сафар Тошкентнинг “Оқ-тепа” жамоаси спарринг рақиб сифатида танланди. Бугун ушбу ўртоқлик учрашуви бўлиб ўтди ва унда дуранг натижа қайд этилди. Биринчи бўлимда устунлик Жиззах клуби томонида бўлди. Кўп ўтмай бош ҳакам томонидан рақиб дарвоза томон пенальти белгилади ва ундан Дилмурод Каримов унумли фойдаланиб, ўйиндаги ҳисобни очди. Ўйиннинг 19 -дақиқасида Ихтиёр Тошпўлатов иккинчи бор рақиб дарвозасини ишғол қилди. Биринчи бўлим “Сўғдиёна” фойдасига якунланди.

Иккинчи бўлимда Александр Мочинов “Сўғдиёна” ёшлар вакилларига ўзларини синаб кўриш учун имкон берди ва таркибда асосан ёшлар ҳаракат қилишди. “Оқ-тепа” футболчилари эса иккинчи бўлимда фаол ҳаракат қилиб, 2 та гол уришга муваффақ бўлди. Шу тариқа ўйин 2:2 ҳисобида якунланди.

Бугунги ўйинда айрим сабабларга кўра Сардор Эминов ва Иззатилла Абдуллаев иштирок эта олмадилар.

“Сўғдиёна” - “Оқ-тепа”  2:2
Голлар: Дилмурод Каримов, Ихтиёр Тошпўлатов

“Сўғдиёна”: Шерзод Абдураимов,Сардор Қулматов, Умид Қодиров, Элёр Орифов ,Азамат Исроилов ,Дамир Низамов ,Ихтиёр Тошпўлатов ,Шерзод Жалилов, Отабек Ҳайдаров, Дилмурод Каримов ,Дониёр Одилов.

Захирадан майдонга тушганлар: Ширинбой Абдуллаев, Нодир Қўйбоқов ,Ҳаёт Шодмонов ,Обид Ҳакимов ,Рахматилло Мелибоев, Жасур Ўринов ,Сахоб Рашидов,Ойбек Нурматов.