Сирож Ҳамроев: "Бунёдкор"ни ҳурмат қиламиз лекин имконсиз ишнинг ўзи йўқ"

Ушбу баҳс олдидан "Машъал" ҳимоячиси Сирож Ҳамроев ўйин ҳақида фикрларини билдириб ўтди.

"Эртага мавсумда биринчи марта расмий баҳсда майдонга тушишим мумкин. Шу вақтга қадар жароҳатим боис майдонга туша олмай келдим. Агар эртанги баҳсда мураббийлар штаби менга ишонса расмий баҳсда ҳам майдонга тушиб ўзимни кўрсатишим мумкин. Жароҳатдан фориғ бўлганман. Соғлиғим борасида муаммо йўқ. Бор кучим билан ҳаракат қилишга интиламан.

Ҳақиқатдан ҳам оғир учрашув кутиб турибди. "Бунёдкор" кучли жамоа ва ОЧЛда ҳам ўйнамоқда. Рақибни ҳурмат қиламиз лекин имконсиз ишни ўзи йўқ. Ғалаба қозонган ҳолда уйга қайтмоқчимиз. Ҳозир оғир вазиятдамиз. Бизга бир ғалаба жуда ҳам керак. Ҳамма бир бўлиб ҳаракат қилса уддалаб бўлмайдиган вазифа йўқ деб ўйлайман. Бизни фақат ва фақат ғалаба қониқтиради" , - дейди Сирож Ҳамроев.