Симеоне: "Отам айтганларидек, тилим – менинг душманим"

"Атлетико Мадрид" бош мураббийи Диего Симеоне ўзининг ўйин услубини танқид қилувчилар ҳақида гапирди.

"Мен бу борада доим бир хил нарсани айтаман. 2005 йилдан бери мураббийлик қиламан ва ҳеч қачон ҳамкасбларимга нисбатан беписанд қарамаганман, чунки доим ўзимни рақобатлашаётган шахс ўрнига қўяман. Уларнинг ҳар бирида ўз қарашлари бор. Кимнидир менсишмаса, буни баҳам кўрмайман.

Журналистлар, собиқ футболчилар, футбол ўйнамайдиган, нимадир демоқчи бўлган одамларнинг фикрлари... Отам айтганларидек, тилим – менинг душманим. Бизда сўз эркинлиги бор, ҳамма фикр билдириши мумкин. Турли ўйин услублари бор ва мен ҳамиша ҳамкасбларимни ҳурмат қиламан", – деди аргентиналик мутахассис.