"Шартномам кўп жиҳатдан мавсумни қандай якунлашимизга боғлиқ. Ҳар мавсум сўнггида кейинчалик нима бўлишини ҳал қилиш учун йиғиламиз. Бу йил ҳам истисно бўлмайди", — дейди Симеоне.
52 ёшли мутахассис 2011 йилдан бери "Атлетико"ни бошқаради. Мадрид клуби унинг қўл остида икки бор Испания чемпионати, Европа лигаси ва Европа суперкубогини ютган. Жамоа икки бор Чемпионлар лигаси финалига чиққан.
"Атлетико" айни дамда 18 ўйиндан сўнг 31 очко жамғарган ҳолда, Испания чемпионатида тўртинчи ўринда бормоқда. Жамоа шунингдек жорий мавсум еврокубоклардаги иштирокини якунлади.
