"Шеффилд Юнайтед" "Челси" ҳимоячисини ўз сафига қўшиб олди
08 сен 2020 12:18
Янгиликлар

"Шеффилд Юнайтед" "Челси" ҳимоячисини ўз сафига қўшиб олди

"Челси" ҳимоячиси Итан Ампаду фаолиятини "Шеффилд Юнайтед"да давом эттиради.

Клуб 19 ёшли футболчини мавсум сўнггига қадар ижарага олди. Битимда футболчининг ижара муддати якунланганидан сўнг харид қилиш борасидаги банд йўқ.

"Ампаду - яхши ўйинчи. Биз бу ёш футболчи билан шартнома имзолашни жуда хоҳлаган эдик. Фрэнк Лэмпард ва "Челси" хўжайинларига ушбу битимга рухсат беришгани учун миннатдорчилик билдираман.

Биз яхши муносабатларни ривожлантирдик. Улар Итаннинг бизнинг жамоада ўзини қулай ҳис қилишини билишади", - дейди "Шеффилд" устози Крис Уайлдер.

Футболчи якунланган мавсумни "РБ Лейпциг" таркибида ўтказди ва Бундеслига доирасидаги 3та ўйинда майдонга тушди.

Ҳавола :

Манба : twitter.com/SheffieldUnited

Янгиликларни Телеграмда ўқинг!

Рейтинг: +4