Шаҳзода Уильям: "Ўз ватанингда севимли инглиз жамоанг ўйинларини кўра олмаслик асабийлаштиради"
15 мар 13:46
Янгиликлар

Шаҳзода Уильям: "Ўз ватанингда севимли инглиз жамоанг ўйинларини кўра олмаслик асабийлаштиради"

Теглар : Шаҳзода Уильям Англия Премер-лигаси

Шаҳзода Уильям Англияда шанба кундуз куни АПЛ ўйинлари кўрсатилмаслигидан норози.

Британия тахти вориси "Астон Вилла" жамоасига мухлислик қилади.

– Мен учун "Вилла Парк" стадионига бориш унчалик осон эмас, лекин мен имкон қадар кўпроқ ўйинларни – стадионда ёки телевизор орқали кўришни яхши кўраман.

Мен Чемпионлар Лигасининг барча ўйинларига боришга ҳаракат қилдим, чунки жамоа яхши формада бўлганда бу имкониятдан тўлиқ фойдаланиш керак.

Уйдаги энг катта муаммо – баъзан телевизордан [трансляцияни] топишга уриниш, чунки шанба куни соат 15:00 да бизда блэкаут бўлади ва бу жуда жахлни чиқаради.

– Сиз қароқчи трансляциялардан фойдалансангиз бўларди...

– Ха-ха, бу ҳақда изоҳ бермайман. Мен Villa TV учун пул тўлайман, шу сабаб мен воқеалардан хабардорман.

Лекин бизнинг мамлакатимизда ҳали ҳам ўз жамоамизнинг Премьер-лигадаги ўйинини кўра олмаслигимиз жуда асабийлаштиради, бироы чет элга борсангиз исталган ўйинни исталган вақтда кўришингиз мумкин" – деди шаҳзода Уильям.

Шанба куни тушдан кейин, кўпчилик ўйинлар ўтказиладиган пайтда, телевизион трансляцияларни тўхтатиш қоидаси 1960 йилларда жорий қилинган, бу эса мухлисларни қуйи лига ўйинларига боришга ундаш мақсадида амалга оширилган.

Ҳавола :

Манба : The Sun

Янгиликларни Телеграмда ўқинг!

Рейтинг: +2