"Севилья" Ланглени қайтариши мумкин

Манбага кўра, андалусияликлар француз футболчисининг қайтиши ҳақида ўйламоқда.

Маълум бўлишича, "Севилья" Ланглини қишда жамоани тарк этиши мумкин бўлган Жюль Кунденинг ўринбосари сифатида кўрмоқда. Ланглининг "Барселона" билан амалдаги шартномаси 2026 йилнинг ўрталарида якунланади.

Эслатиб ўтамиз, Лангли 2018 йилда деярли 36 миллион евро эвазига "Севилья"дан "Барселона"га ўтганди. У бир ярим йил давомида андалусияликлар сафида тўп сурди ҳамда шу вақт ичида 73 та ўйинда майдонга тушиб, 4 та гол урди ва 1 та голли узатмани амалга оширди. Ушбу мавсумда ҳимоячи Ла Лигада учта учрашув ўтказиб, майдонда атиги 91 дақиқа ҳаракат қилди.