Сергей Лушан: "Насаф"га қарши ўйин қизиқ бўлади деб ўйлайман"

"Навбатдаги қийин ўйин. Ғалабадан хурсандмиз. Натижадан қониқдим. Гол киритганимиздан сўнг бошқача ўйнай бошладик. Шунингдек, рақиблар сардори ҳам жароҳат олди. Унга соғлиқ тилайман. Умуман, бугун "Пахтакор"га қийин бўлди.

Октябрь ойида икки ҳафталик йиғин ўтказмоқчимиз. Қандай бўлишидан қатъий назар, кучли футболчилар майдонга тушадилар. 

"Насаф" ҳақида фикрларим? Рўзиқулни анчадан бери биламан. Тартибли, кучли мураббий. "Насаф" биринчи йил етакчилар қаторида юрмаяпти. Уларни доимо етакчи ҳисоблаб келганман. Улар ўтган йили ҳам чемпион бўлишлари мумкин эди. Ўйлайманки, уларга қарши ўйин қизиқарли бўлади. 

Финал бўлиб ўтадиган стадионни фарқи йўқ. Федерация қандай қарор қабул қилса ўша ерда бўлади. Бизга фарқи йўқ. 

Биз режа бўйича ўйнадик. Асосийси, керакли ҳисоб қўлга киритилди. Бугун рақибда яхшигина имкониятлар бўлганди. Баҳтимизга, улардан фойдалана олишмади. Балки, мухлислар учун зерикарли ўйин бўлгандир.

Келишиб олгандик? Ким ким билан, лекин "Пахтакор" билан "Бунёдкор"нинг келишуви бўлмайди (кулади)", деб ўз фикрларига якун ясади Лушан.

Азиз Тўхтамуродов