Сергей Ковшов: "Чемпионлик ва лигада қолиш учун кураш охиригача давом этса керак"

- Ўйлашимча бугунги ўйин муносиб тарзда ва жанговор руҳда ўтди. Ҳар икки жамоа аъзолари ҳам натижа учун бор кучлари билан ҳаракат қилишди. Очколаримиз кам бўлганлиги сабабли ҳар бир турда очко олишга интилмоқдамиз. Албатта бугунги учрашувда очко ололмаганимиз аламли бўлди. Аслида бизни дуранг ҳам қониқтирарди.Мағлубият эмас. Футболчиларимиз баҳсда имкониятларга эга бўлсаларда гол ура олмаганимиз яхши бўлмади. Шу жиҳат бизнинг салбий ҳолатимиз бўлди. Жамоамиз ҳар қачонгидан кўра яхшироқ ўйин кўрсатди. Бунинг ўзи очко олишимиз учун кифоя қилмади. Лигада қолиш учун имконият бор.Олдинда турган сўнгги турларда сафарда ҳам ўз майдонимизда ҳам осон бўлмаган ўйинларда майдонга тушамиз.Бир сўз билан айтганда қизиқарли учрашувлар кутмоқда.Чемпионлик, лигада қолиш учун давом этаётган кураш охирги турда якунига етса керак.