Саррига ҳужумчи керак

“Ўйлашимча, ўйинда майдоннинг дастлабки 80 метр жойида жуда яхши ҳаракат қилдик, аммо қолган 20 метр масофада жуда ғариб кўриндик. Бизда гол уриш учун имкониятлар кўп бўлмаяпти, аммо бу тоифадаги беллашувларда голли вазиятларни яратиш қийин, ўйин темпи юқори эмас. Шу боис яратилган вазиятлардан максимум фойдалана олишмиз керак. Сўнгга баҳсларда биз барча рақибларга нисбатан тўпни яхши назорат қилаяпмиз. Аммо биринчи голни уриб олишимиз жуда қийин кечаяпти.

Ҳужумчи сотиб олишга ҳаракат қиламанми? Билмайман. Чунки мен трансфер бозоридаги ишларга жавоб бермайман. Мен ўзимнинг ишимга жавоб бераман. Қўл остимдаги футболчилардан унумли фойдаланиб, ҳужумкорликни кучайтиришим лозим. Биз ўша сўнгги 20 метр масофада, ҳужумни якунлашда самарали ҳаракат қилишимиз лозим.

Клуб менинг фикрларимини, истакларимни билади. Ҳаммаси раҳбариятга боғлиқ”, дея Саррининг сўзларидан иқтибос келтирмоқда Sky Sports.

Жорий мавсумда “Челси” ҳужумчилари Альваро Мората ва Оливье Жиру биргаликда АПЛ баҳсларида 6 та гол киритишди.