UZ

Сўнгги янгиликлар

13:39Мюллер: "Бавария" ҳаво иссиқлигига қарамай, "Окленд Сити" билан ўйинда яйради"  0 13:12Руслан Жиянов: "Чемпионлик учун охиригача курашамиз"  1 12:55Акмал Мозговой: "Ҳар бир жамоа бизга қарши борини бериб ўйнайди"  4 12:40"Жаҳон чемпионатида Ўзбекистон ва Украина беллашувини кўришни истардим" – Максим Шацких билан катта интервью  4 12:27Эшитдик-да! "Нефтчи" Ўзбекистон МТЖнинг икки аъзосига қизиқмоқда  13 12:06"Манчестер Сити"га янги келган Шерки: "МЮни йўқ қилиш учун улар билан ўйинни кутяпман"  14 11:39Симеоне: "Энрике таркибни кучайтириши керак бўлганида, ПСЖ вингер учун 70 млн евро сарфлади"  4 11:11Гравина: "Гаттузо – Италия футболининг рамзи"  0 10:41“Арсенал“ 19 ёшли футболчи учун курашда “Челси“ни "енгди"  6 10:08ПСЖ украиналик футболчининг трансфери учун қанча сарфлаши маълум  1 09:35ЦСКА вингери Туркия клубига ўтиши мумкин  2 09:04“У футбол ва футбол учун яшайди.“ Карлес Пуйоль Роналду ҳақида  6 08:30Хакан Чалханоглу фаолиятини бошқа жамоада давом эттириши мумкин  0 07:55Суперлига. "Навбаҳор" ва "Хоразм" жамоалари мағлубиятга учради. "Сурхон" ва "Нефтчи" баҳсида эса ҳисоб очилмади  0 07:53Диего Симеоне йирик мағлубият сабабини маълум қилди  21

Сардор Раҳмонов: "Кўпроқ ўйин амалиётига эга бўлиш учун "Нефтчи"га ўтдим Янгиликлар

Сардор Раҳмонов: "Кўпроқ ўйин амалиётига эга бўлиш учун "Нефтчи"га ўтдим

Ҳуқуқий жиҳатдан "Локомотив"га тегишли бўлган Сардор Раҳмонов жорий йил Нефтчида ижарада ўйнайдиган бўлди.
Шу муносабат билан ундан сайтимиз учун интервью олдик.

- Сардор, сизни "Нефтчи" йиғинида иштирок этаётганингиздан хабаримиз бор. Афтидан бу йил Фарғонада ўйнайдиган кўринасиз. Шундайми?
- Ҳа, бу борада барча масалага ойдинлик киритиб олдик. Шунинг учун энди бир йил "Нефтчи"да ижара асосида ўйнайман.

- "Локомотив" бу йил чемпионлик учун курашишни ўз олдига мақсад қилиб қўймоқда. Лекин шунга қарамай, жамоангизни ўзгартиришга қарор қилдингиз. Бу кўпроқ клубда юзага келган рақобат билан боғлиқми?

- Жорий мавсум кўпроқ ўйин амалиётига эга бўлишни истадим. Шунинг учун "Локомотив" раҳбарияти кетишимга қаршилик қилмади. Умид қиламанки бу йил "Нефтчи"да мен учун ҳаммаси яхши кечади.

- Лекин "Нефтчи"да ҳам тенг кучли ҳимоячилар ҳар бир чизиққа иккитадан тўғри келмоқда. Демоқчимизки, бу ерда ҳам доимий равишда ўйнаш осон бўлмайди. Фикримизга қўшиласизми?
- Ҳа, буни биламан. Лекин мураббий тайёр ўйинчини ўйнатади. Шу боис мен ўз устимда тинимсиз равишда ишлаб, асосий таркибга муносиб эканлигимни исботламоқчиман ва шу орқали жамоамнинг ҳар бир баҳсида майдонга тушиб, унинг ютуқларига ҳисса қўшишни истайман.

- Фарғона жамоасига келишингиз бош мураббий билан боғлиқ бўлса керак?
- Ҳа, бу ерга мени Мурод ака Исмоилов таклиф қилди. Шунингдек у кишига яқиндан ёрдам беришни бошлаган Алексей Евстафеев ҳам янги жамоасига мени чорлади.

- Янги жамоангиз сафида Ҳоким Кубоги-2014 турниридан ўрин олган битта ўйинда ҳам иштирок этишга улгурдингиз. Дастлабки таассуротлар қандай?
- Нефтчида мени илиқ кутиб олишди. Ҳаммаси қониқарли даражада. Муҳит ҳам яхши. Ўйинга келсак, ҳозирдан бир нима дейишим қийин. Насиб қилса 15 февраль куни Туркияга жўнаб кетамиз. Айнан ушбу хориж йиғини мобайнида тўлиқ мослашиб олсам керак.

Исломбек РУСТАМБЕКОВ суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика