Сардор Раҳмонов: “Истиқлол” стадиондаги ўйинларни соғингандим”

-   Ўзингиз кўрдингиз қийин ўйин бўлди.  Ғалабадан хурсандман. Очиғи, “Истиқлол” стадионидаги ўйинларни соғингандим. Мураббийлар ўйиндан аввал керакли кўрсатмаларни беришди. Биз вазифаларни самарали уддаладик. Мухлисларимизга ҳам раҳмат. “Бунёдкор” шундай рақибки, улар вазиятлардан жуда яхши фойдаланишиди. Оддий қилиб айтганда, рақибнинг кичик хатосини голга айлантириб кетишлари хеч гап эмас. Шу сабабли ўйин давомида уларда битта вазият бўлди ва гол уришди. “Нефтчи” жамоасини энди “Водий дербиси” кутмоқда. Албатта Наманганга ҳам фақат ғалаба учун борамиз. Ўйиндан кейин мураббийларимиз ечиниш хонасида кейинги учрашувда ҳам худди шундай ҳаракат қилишмизни ва эртаданоқ “Навбаҳор”га қарши ўйинга тайёрланишимизни айтишди. Шу ўринда бир нарсани айтиб ўтишни истаган бўлардим. Мавсумнинг ярмини “Бухоро”да ўтказиб қайтдим. Кўп бухороликлар менга Фарғонадаги фаолиятимда омад ва зафарлар тилашди. Имкониятдан фойдаланиб уларга ҳам миннадорчилик билдириб қоламан, - деди Раҳмонов.

Ҳожиакбар Жабборов ёзиб олди.
"Нефтчи" матбуот хизмати