Самвел Бабаян "Спартак" расмий сайтига интервью берди

Ўзбекистон терма жамоаси собиқ бош мураббийи Самвел Бабаян ва унинг ёрдамчиси Григорий Колосовский "Спартак" клубида амалиёт ўташмоқда. 

— Биз Россиядаги Жаҳон чемпионатида ўйнашимиз мумкин эди! — дея хўрсинди Самвел. — Бизни мундиалдан фақат биттагина гол ажратиб қолди холос. Биз Жанубий Корея дарвозасига мана шу голни уришга уриндик, аммо учрашувда ҳисоб очилмади. Нима ҳам қилардик, энди ўқишни давом эттириш ва мураббийлик фаолиятида ўз билимларимни ошириш имконияти бор.

— Нима учун айнан "Спартак"ни танладингиз?

— "Спартак" — Россиянинг амалдаги чемпиони, менимча, Россия футбол етакчиси. Унинг ўйинлари бизга ёқади, шу боис Массимо Карреранинг иш услубини ўрганмоқчимиз. Италия мураббийлик мактаби, айниқса тактика борасида бутун дунёга машҳур, - дейди Самвел Бабаян "Спартак" клуби расмий сайтига.

УШБУ ХАБАРГА ФИКР ҚОЛДИРИШ УЧУН FACEBOOK САҲИФАМИЗГА ЎТИНГ.