Самвел Бабаян: “Негадир, биринчи бўлиб тўп бизнинг дарвозамиздан ўрин оляпти”
20 сен 2019 20:46
Янгиликлар
Самвел Бабаян: “Негадир, биринчи бўлиб тўп бизнинг дарвозамиздан ўрин оляпти”
- Ўйин ҳақида батафсил тўхталиб ўтмоқчиман. “Локомотив” ўйинида ғалати ҳолатлар бўляпти. Негадир, биринчи бўлиб тўп бизнинг дарвозамиздан ўрин оляпти. Футбол шундай шафқатсиз ўйин эканлигини таъкидламоқчиман. Доим ҳам кучли жамоа ғалаба қозонавермайди. “Сўғдиёна” билан бўлган баҳсда ҳам аламли мағлубиятга учрадик.
Бугунги баҳсга жиддий тайёргарлик кўргандик. Қатор вазиятларни юзага келтирдик. Афсуски, навбатдаги учрашувда ҳам дуранг ўйнадик. Ҳисобда ортда қолиб, ҳисобни тенглаштирганимиз учун шогирдларимга миннатдорчилик билдираман. Улар бугун майдонда барча кўрсатмаларимни тўғри бажаришди.
Лига кубогидаги ўйин билан бугунгисини солиштирадиган бўлсак, олдинги баҳсда бундай йирик мағлубиятга лойиқ эмасдик. Қолаверса лига кубоги ўйинида ҳар икки жамоа ҳам бошқача таркиблар билан, яъни етакчиларсиз ўйнаган эди.
Бугунги учрашув тамоман бошқача эди. “Қўқон-1912” жамоасида ҳам кучли футболчилар жамланган. Бекорга ушбу жамоадан турли терма жамоаларга ўйинчилар таклиф этилмаяпти. Ёш мураббийнинг кейинги фаолиятига омад тилаб қоламан.

Ўхшаш янгиликлар
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
Криштиану Роналду фаолиятида илк бор Португалия термаси сафида қизил карточка олди
Миср терма жамоаси собиқ юлдузи кечаги учрашувдан сўнг жамоа бош мураббийини танқид қилди
Фикрлар