Самвел Бабаян: "Мумбай Сити" эртанги ўйин учун катта тайёргарлик кўрди"

Самвел Бабаян: - Эртага бизни гуруҳдаги сўнгги учрашув кутиб турибди. ОЧЛ - биз учун ўзгача турнр ва унинг учрашувлари алоҳида аҳамият касб этади. Исталган жамоа бир учрашувда етарлича даражада яхши ўйнаши мумкин.

"Навбаҳор" ўз вазифасини бажариш учун ҳаракат қилади. Бироқ "Мумбай Сити" ҳам тез ривож топаётган жамоа. Яхши мураббийлар штаби ишлайди, сифатли футболчилари, легионерлари, терма жамоа аъзолари бор. Эртанги учрашувда бор кучимиз билан ҳаракат қилиб, керакли натижани қўлга киритиш учун ўйнаймиз.

Шодиёр Шодибоев: - Кайфият яхши, эртага кучли ўйин бўлади. Гуруҳ босқичини яхши савияда якунлашга ҳаракат қиламиз.

Самвел Бабаян: - Илк навбатда, бизнинг икки футболчимиз дисквалификация қилинган. Иккинчи турда "Мумбай Сити"га қарши ўйиндан кейин бизда ишонч ортди. Ўшанда рақиб сифатли футбол намойиш қилганди. Ўтган турлар давомида ушбу жамоанинг ўйини менга ёқди. Жамоада футбол фалсафаси, сифат бор. Эртанги учрашув олдидан жамоада руҳий босим йўқ. 

Саудия Арабистонида юқори намликда, жуда иссиқ ҳавода ўйнагандик. Шу сабабли ҳозирги ҳавога ҳам мослашиш керак. 

Умуман олганда "Мумбай Сити"нинг ўзига ҳос устунликлари бор. Биринчидан шуни айтишим керакки, жамоанинг легионерлари ОЧЛнинг ўтган турида дам олишди. Улар руҳан ушбу учрашувга тайёрланишди ва натижа учун ҳаракат қилишади. Бизга келадиган бўлсак, жамоамиз гуруҳ босқичидан чиқиши керак, шу сабабли йигитлар ўйинга бошқача йўналишда тайёрланишган ва улар ўйиннинг қанчалик муҳимлигини тушуниб туришибди. Ўйин барча томондан қизиқ бўлади. Ҳар қанақа ньюансларни четга суриб, чиройли футбол намойиш қилишга ҳаракат қиламиз.