"Унутиш керак бўлган учрашувлар мавжуд эмас. Ушбу ўйин бизга кўп нарсани ўргатиши ва хатоларимизни кўрсатиши шарт. Бизга қийин бўлди, ўйинга режалаштирганимиздек кириша олмадик. Одатда биз марказий зона орқали ҳаракат қилишда жуда кучлимиз. Дания марказни оқилона ёпиб қўйди, шу сабабли у ердан камдан-кам ўта олдик ва вазиятлар ярата олдик. Биз қанотларни кўпроқ ишга солдик, рақибларни бирга-бир вазиятда алдаб ўтишга ва ҳужумларни жарима майдонига тўп ошириш билан якунлашга ҳаракат қилдик. Данияликлар бу компонентда кучли эканлигини билардик. Бундан ташқари, улар ўз вазиятларидан жуда самарали фойдаланишди: деярли барчаси гол билан якунланди. Натижада учрашув биз учун муваффақиятсиз кечди. Аммо биз бунгача ўйинимизда ҳамма нарса идеал бўлмаганини ва устида ишлашимиз керак бўлган жиҳатлар борлигини тушунамиз. Шунга қарамай, бу ўйинда кейинги баҳсга олиб ўтишимиз мумкин бўлган ижобий жиҳатлар ҳам бор", — дейди Фернандешнинг сўзларини A Bola нашри Canal 11ʼга таяниб.
