UZ

Сўнгги янгиликлар

00:55Фримпонг жароҳати қанчалик жиддий экани маълум бўлди  0 00:51Эдем Неманов: "Медаллар учун курашамиз ва барчаси ўзимизга боғлиқ"  0 00:50Владимир Бубанья: "Насиб бўлса, ўтиш ўйинларида иштирок этмаймиз"  0 00:39Вадим Абрамов: "Самарқанд ЖЧга мезбонлик қиладиган стадионга эга бўлиши керак. Чемпионлик учун курашмаётганимизга ўзимиз айбдормиз"  2 23:55Шерзод Жўраев: "Насаф"дек жамоага қарши футболчиларни алоҳида руҳлантириш шарт эмас"  0 23:30Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган  22 23:11Расман: Лучано Спалетти "Ювентус" бош мураббийи этиб тайинланди  3 23:05Суперлига. "Навбаҳор" – "Насаф" 0:0  5 22:59Рўзиқул Бердиев ОКМК билан ўйиндан кейинги матбуот анжуманида айтган гаплари бўйича изоҳ берди (тўлиқ матбуот анжумани)  19 22:31Пирс Морган Криштиану Роналдунинг ҳаётидаги "энг очиқ" интервьюни эълон қилди. Суҳбат кейинги ҳафта премьера қилинади  4 22:02Ҳаким Фузайлов: "Жамоам 70 дақиқа футбол ўйнаяпти. Балки ўрнимга бошқа мураббий мавсумни тугатиб қўйгани маъқулдир"  5 21:39Лисандро оғир жароҳатидан сўнг МЮ машғулотларига қайтди  0 20:50Ибрагимович: "Интер"да бир қоида бор эди: агар кетма-кет икки ўйинда ютқазсак, маошлар кечиктириларди"  2 20:35Суперлига. "Насаф" "Навбаҳор" майдонида очко йўқотди  202 20:27Суперлига. "Динамо" "Хоразм"ни ишончли тарзда мағлуб этди  11

"Сабаби фақат бошда эмас. Бу ерда омиллар мажмуаси бор". Россиялик шифокор Остон Ўруновнинг жароҳатлари ҳақида гапирди Янгиликлар

"Сабаби фақат бошда эмас. Бу ерда омиллар мажмуаси бор". Россиялик шифокор Остон Ўруновнинг жароҳатлари ҳақида гапирди

Россиядаги спорт тиббиётининг етакчи мутахассисларидан бири Эдуард Безуглов "Финт Тураева" подкастида Остон Ўруновнинг жароҳатлари табиати ҳақида тўхталди.

Россиялик мутахассис Ўзбекистон терма жамоаси тиббиёт ходимларига ЖЧ-2026 саралаш босқичининг ҳал қилувчи ўйинларида ёрдам берганди.

"Остон Ўруновнинг жароҳатлари Алан Загоев ва Арсен Захарян дуч келган жароҳатларга ўхшаш деган фикрни эшитдим. Иккаласи ҳам мушакларнинг шикастланишидан азоб чекиб келади (Захарянда ҳалигача шу муаммо): улар бир марта мушакни "йиртиб олди", кейин эса қайталанди ва ҳоказо. Сиз бунга розимисиз?

Загоевнинг ҳам, Захаряннинг ҳам вазияти бироз бошқача. Уларда турли жароҳатлар бор эди. Бу ерда сабабини излаш керак: жароҳатнинг худди шундай қайта-қайта такрорланиши мумкин эмас. Айтайлик, жароҳат бор эди, футболчи ҳеч қаери оғримаётгани ва у машғулотга ёки ҳатто ўйнашга тайёрлигини айтади. Аммо номутаносиблик сақланиб қолиши мумкин. Бундай паллада номутаносиблик йўқолгунча футболчини реабилитация қилиш керак.

Сабаблар турлича бўлиши мумкин. Бир жамоадаги футболчи доимий равишда жароҳат олгани, ҳеч қачон жароҳатдагилар рўйхатидан чиқмагани, кейин бошқа клубга ўтиб, барқарор ўйнай бошлаганига камида 20 та мисол келтира оламан. Бизда – ЦСКАда шундай футболчи бор эди – бразилиялик Бруно Фукс. Ҳозир у ўз ватанида ўйнаяпти, яхши статистикага эга. У ЦСКАдаги илк жароҳатини захирадан майдонга тушиб, рақиб жарима майдончасида бурчакка югурганида олди. У югураётганда (шунда ҳам тез эмас), сон мушакларини шикастлади. Бу кутилмаганда қабул қилиб бўлмайдиган жароҳат. Бу бошидан нимадир нотўғри эканлигини англатади.

Тушунишимча, бундай вазиятларда ўйинчилар қўрқиб қолади. Ҳар бир янги жароҳат кейинги сафар, тўлиқ тикланишдан кейин жароҳат олиш қўрқувидир. Ўйинчи "қўзғалади", мураббий унга доимо ишона олмайди, чунки у асосий гуруҳ ва лазарет ўртасида кезиб юради. Менимча, Остон Ўруновда айнан шу муаммо бор. Аммо бу ерда, албатта, омиллар мажмуаси бор – сабаб фақат бошда деб айтолмаймиз.

Ўзбекистон терма жамоасида бўлган вақтимда айтишим мумкинки, у ерда ҳамма нарса энг юқори даражада. Футболчилар машғулотлар ва ўйинларга тайёргарлик кўрмоқда, улардан сўнг тикланиш, барча керакли витаминларни қабул қилмоқда. Ишончим комилки, Ўзбекистон терма жамоаси мураббийлар штаби ва тиббий хизмати Остон Ўруновнинг Жаҳон чемпионатига тайёр бўлиши учун бор куч-ғайратини ишга солади", – деди Безуглов.


Эдуард Безуглов иштирокидаги "Финт Тураева" подкастининг тўлиқ версиясини ҳавола орқали томоша қилишингиз мумкин (рус тилида):

Рейтинг: +4   

Ўхшаш янгиликлар

Фикрлар

championat.asia
< сўнгги янгиликларни кўриш
Яндекс.Метрика