Рустам Умаровнинг отаси: "Келажакда бизни йигитлар Эронни тўхтата оладилар"
22 фев 2016 16:38
Янгиликлар

Рустам Умаровнинг отаси: "Келажакда бизни йигитлар Эронни тўхтата оладилар"

Эронга қарши ўйин вақтида мухлислар орасида дарбозабонимиз Рустам Умаровнинг падари бузрукворини кўриб қолдик.

Финал ҳуштаги янграганидан сўнг эса Малик акани фикрлари билан қизиқдик:

"Кўрганимиздек, терма жамоаларнинг кучлари тенг экан. Мустақиллик шарофати билан мамлакатимизда ҳам футзалга эътибор қаратила бошланди. Сўнгги 10 йил ичида Тошкентда учинчи маротаба Осиё Чемпионати ўтказилди. Уч марта терма жамоамиз финалгача етиб келди. Бизга озгина омад етишмади. Йигитлар яхши ўйнашди. Асосий вазифани бажариб, жаҳон чемпионатига йўлланмани қўлга киритдик. Лекин, иштаҳа овқат пайтида келади деганларидек Осиё Чемпионлигига ҳам яқин келгандик. Бироқ, озгина омад етишмади. Эрон кучли терма жамоа. Лекин, барибир Осиёда кимдир Эронни тўхтатиши керак. Японияни қўлидан келганди, нимага бизни қўлимиздан келмайди? Ўйлайманки, келажакда бизни йигитлар ҳам буни уддалайдилар", - дея ўз фикрларига якун ясадилар Малик ака.