Рўзиқул Бердиев: “Сафарда дуранг ёмон натижа эмас, бироқ биз ғалабага эришмоқчимиз”

Рўзиқул БЕРДИЕВ:-Эртанги ўйинда ҳар иккала жамоа фақат ғалаба учун майдонга чиқади. Фақат ким ўйинни яхшироқ ташкил этса, омад кимга кўпроқ кулиб боқса ўша жамоа уч очко эгасига айланади. Ўйлашимча, гуруҳимизда барча жамоада имконият бир хил. Сафарда дуранг? Эртанги ўйинда дуранг ёмон натижа ҳисобланмайди. Лекин биз бу ўйинга фақат ғалаба учун майдонга чиқамиз. Ўтган турда ўз хатоларимиз эвазига Жиддада мағлуб бўлдик. Бу сафар бундай хатоларни такрорламасликка уринамиз. Рақибимиз гуруҳда сўнгги поғонада бораётгани бу унинг кучсиз дейишга асос бўлолмади. Сабаби дубайликлар таркибида яхши, шаклланган футболчилар бор. Таркибимизда жароҳатланган футболчилар йўқ. Жамоамизнинг ўз ўйин услуби бор. Жиддий рақибга қарши очиқ футбол намойиш этмаслигимиз мумкин. Лекин тартибли ўйин кўрсатиб, ўзимиз учун керакли натижага эришмоқчимиз.  “Ал-Аҳли”нинг ОЧЛ ва ўз чемпионатидаги ўйинларини кўрдик. Кучли футболчи ва кучли мураббийга эга жамоа. Бундан керакли хулосалар чиқарди. Эртага бизга осон бўлмайди.


Илҳом ШОМУРОДОВ:-  Ўйинга жидий ҳозирлик кўрдик. Йигитлар эртанга баҳсга 100 фоиз тайёр. Насиб этса, ижобий натижага эришиб, юртимизга ёруғ юз билан қайтиш ниятидамиз.

-Жепаров Ўзбекистоннинг Осиёдаги энг кучли футболчси. Сизга у сингари бошқа давлатлардан таклиф тушса тўп тепасизми?
- Ҳақиқатан ҳам, Жепаровни бутун Осиё танийди. У бежизга икки карра қитъамизнинг энг яхши футболчиси деб топилмаган. Ҳозирча “Насаф” билан шартномам бор. Албатта, ҳар бир футболчи Европа ва Осиёдаги кучли жамоаларда тўп тепиш нияти бўлади. Балким келгусида топ жамоаларда тўп тепиш насиб этар...