Рўзиқул Бердиев: "Ўйин 90 дақиқа бўлади, бугун биз 30 дақиқа футбол кўрдик"

Ўйин ҳақида

- Ўйин ҳар доим 90 минут бўлади. Лекин бугун 30 минутлар атрофида футбол кўрдик. Ҳакамларнинг қароридан кўп жабр кўраяпмиз, бугун навбатдагиси бўлди. Кўрдинглар, Ойбек Бозоров йиқитилганда вазият кўриб чиқилмади. Ёки кўриб чиқиб шундай қарор қабул қилди. Биз аслида ҳисобни каттароқ кўринишга олиб келишимиз мумкин эди. 1:0 дан сўнг ҳам яхши вазиятларимиз бўлди, аммо фойдалана олмадик. Шу сабабдан бугун очко йўқотдик деб ўйлайман.

- Баҳром Абдураҳимов ва Шароф Муҳитдиновлар нега таркибда кўринишмади?

- Уларда жароҳат бор. Шу боис бугунги ўйин қайдномасига киритилишмади.

- Вазиятларни голга айлантиришда муаммо кўзга ташланаяпти. Бунда футболчиларга маҳорат етишмаяптими? Ёки ҳаяжон билан боғлиқми?

- Маҳоратга ҳам, ҳаяжонга ҳам боғлиқлик томонлари бор. Кўряпсизлар, биз билан уйдаги ўйинларда барча рақиблар кўпчилик бўлиб ҳимоявий услубда ўйнашмоқда. Шу сабабдан ҳам ёриб киришда қийинчиликка дуч келаяпмиз. Бу борада йигитларга тайинлаяпмиз, биринчи бўлимда, умуман ўйин давомидаги ҳар бир стандарт вазиятдан унумли фойдаланиш керак. Ман ўйлайман-ки, ҳаммада кайфият яхши. Мухлисларни ҳам тушунамиз, ҳали олдинда ўйинлар бор ва охиригача курашамиз.

- АГМК билан кубок ярим финал учрашувида жамоани жиддий синов кутиб турибди...

- Бу босқичларда осон рақиб бўлмайди. Биз албатта финални ўйлаган холда майдонга чиқамиз.