"Ростов"га қарши ўйинда Одил Аҳмедовнинг кўрсаткичлари

Ўзбекистон терма жамоаси ва "Краснодар" ярим ҳимоячиси Одил Аҳмедов бир нечта кўрсаткичлар бўйича етакчи бўлди.

"Краснодар" сафида курашларда ғалаба қозонишда фоиз бўйича энг яхши кўрсаткич Одил Аҳмедовда (80%, 10тадан 8тасида ғалаба).

Терма жамоамиз аъзоси ўз жамоаси ҳужумга ўтиш тўп оширишларининг энг кўпини амалга оширган. "Краснодар"да умумий ҳисобда 13та ўткир ҳужумга ўтиш оширмаси бўлган ва уларнинг 6таси муваффақият билан кейинги футболчига етиб борган. Ушбу 6та аниқ оширманинг 3таси Аҳмедовга тегишли.

Алдаб ўтиш бўйича энг яхши натижаларни Рикардо Лаборде (7 муваффақиятли алдаш) ва Одил Аҳмедов (5та) қайд этган.