"Ростов" футболчиси терма жамоадаги фаолиятини якунлади
18 ноя 2019 11:41
Янгиликлар

"Ростов" футболчиси терма жамоадаги фаолиятини якунлади

"Ростов" ярим ҳимоячиси Ивелин Попов Болгария терма жамоасидаги фаолиятини якунлашга қарор қилди.

Хавбек миллий терма жамоадаги сўнгги ўйинини кеча Чехия (1:0) термасига қарши ўтказди.

- Бу менинг терма жамоадаги 90-ўйиним бўлди. Бу ерда 12 йилдан бери ўйнайман. Европа чемпионатига йўлланма ола билмаганимиздан сўнг навбатни янги авлодга бериш керак эканлигини тушундим. Мен 32 ёшдаман ва бор эътиборимни "Ростов"даги иштирокимга қаратмоқчиман.

Мен 8та бош мураббий даврида жамоа сардори бўлдим. Қийин йўлни босиб ўтдим ва энди тўхташга қарор қилдим. Буёғига терма жамоанинг содиқ мухлиси бўлиб қоламан, - дейди Попов.

Эслатиб ўтамиз, Ивелин Попов Болгария терма жамоаси таркибида 90та ўйинда майдонга тушиб, 15та гол уришга эришган.

Ҳавола :

Манба : fc-rostov.ru

Янгиликларни Телеграмда ўқинг!

Рейтинг: +16