Роналду Испанияда гол урган 31-жамоа «Алавес» бўлди
29 окт 2016 22:45
Янгиликлар

Роналду Испанияда гол урган 31-жамоа «Алавес» бўлди

«Реал» ҳужумчиси Криштиану Роналду «Алавес» билан ўйинда хет-трикка эришди (4:1).

Шу тариқа, "Алавес" португалиялик футболчи Испания чемпионатида гол урган 31-жамоага айланди. Криштиану Испания чемпионатида рақиб бўлган барча жамоаларга гол урмоқда.

Роналду бу борада «Реал» собиқ футболчилари Уго Санчес ва Раулдан ортда қолмоқда. Мексикалик футболчи 33та жамоага гол урган. Мутлоқ рекорд Раулга тегишли. У турли 34та клуб дарвозасини ишғол қилган.

Раулнинг рекордини «Барселона» вакили Лионель Месси янгилаши мумкин. Аргентиналик футболчи ҳам 34та жамоага гол урган. Бироқ Месси «Лас-Пальмас» билан ўйинларда гол ура олмаган, Рауль эса ўзи ўйнаган барча рақиблар дарвозасига йўл топа олган.

Ҳавола :

Манба : as.com

Янгиликларни Телеграмда ўқинг!

Рейтинг: +14