Роббен фаолиятини тугатишга шаъма қилди

34 ёшли футболчи жамоа таркибида 280дан ошиқ учрашувда майдонга тушди ва Бундеслига ҳамда ЕЧЛ ғолибига айланди.

Унинг мюнхенликлар билан шартномаси ушбу мавсум якунланганидан кейин тугайди ва у эркин агентга айланади.

Голландия термасида 96-учрашувини ўтказганидан кейин Роббен "Bavarischer Rundfunk" нашрига шундай фикрлар билдирди.

"Шошилмаяпман. Бироқ ҳали янги шартнома борасида музокаралар бўлмаяпти.

Карл-Хайнц Румменигге билан янги келишув борасида музокарани апрель ойида ўтказишимизни келишиб олганмиз. Кўрамиз, олдимизда қандай воқеликлар бўларкин...

2018/19 йилги мавсумда ҳам ўйнайманми? Бу жуда қийин масала. Футбол учун ёшингиз қариб қолар экан, фаолият ҳам охирланиб боради. Тўғри қарорни қабул қилиш жуда қийин.

Ҳозирча бироз кутиб, танамнинг ҳолатини билиб олмоқчиман. Қарор чиқариш учун барча факторларни инобатга олиш керак", - деди Роббен.