Ривалдо: “Солари ҳали “Реал”ни бошқаришга тайёр эмас, Конте – яхши вариант”

“Солари клуб раҳбарияти янги мураббий топгунинга қадар бир-иккита учрашувда жамоани бошқариб туради. Айни пайтда у бу лавозим учун яхши вариант, аммо жамоани доимий машғулотлар ўтказиши учун у тайёр эмас.

Ўйлашимча, клубни худди шундай ҳолатда қабул қилиб, фантастик натижаларга эришган Зиданнинг натижасини қайтара олмайди. Унга бўлган юксак ҳурматни сақлаган ҳолда айтишим мумкинки, у “Реал”ни бошқариш учун талаб этиладиган хусусиятларга эга эмас.

Конте эса бу борада “Реал” учун энг мақбул вариант. Қаттиққўлликни хуш кўрувчи мураббийнинг қироллик клубини бошқариши “Реал” учун фойдали бўлиши мумкин. Чунки сўнгги йиллардаги муваффақиятлардан сўнг жамоа футболчилари бироз ҳафсаласиз ҳаракат қилишмоқда”, дея Ривалдонинг сўзларидан иқтибос келтирмоқда Marca.