Жазоирнинг йирик алоқа компанияси "Реал" билан ҳамкорликни амалга оширган. Келишув 2013 йилда имзоланган ва "Қироллик клуби" 2014 йилнинг май ойида Жазоирга ташриф буюриши керак эди. Аммо "Реал" Чемпионлар лигаси финалида ўйнагани учун бу турне қолдирилган эди. "Қаймоқранглилар" бу сафар ҳам май ойида Жазоирга ташриф буюришни режа қилишган.
Эслатиб ўтамиз, "Реал" кейинги мавсумга тайёргарлик кўриш учун Хитойда 18 июль куни "Рома" билан, Австралияда 24 июлда эса "Манчестер Сити" билан ўртоқлик учрашувини ўтказади.