Марокаш Футбол Федерацияси ва "Реал" ўртасидаги можаро авж олди, деб хабар берди "Mundo Deportivo". Мадрид клуби ярим ҳимоячиси Браим Диас 2024 йилнинг январь-февраль ойларида бўлиб ўтадиган Африка Миллатлар Кубогида иштирок этишни истайди. Бироқ "Реал" ўйинлар кўп бўладиган мавсум давомида йўқотишни истамайди.
Эътиборлиси, Браим Диас Марокаш терма жамоасида ўйнашга қарор қилган бўлса-да, ҳали у ерда дебют ўтказгани йўқ. Қолаверса, у Испания терма жамоасида нафақат ўсмирлар ва ёшлар тоифасида ўйнаган, балки 2021 йилда терма жамоада 1 та ўйин ўтказган.
Эслатиб ўтамиз, "Реал" Браим Диасна мавсум олдидан "Милан"дан сотиб олган эди.
