"Реал" ТВ Васкеснинг бекор қилинган голи ҳақида: "Шармандалик!"

Мадрид клуби 26-тур ўйинида 1:0 ҳисобида ғалабага эришди. Ўйинни Исидро Диас де Мера бошчилигидаги ҳакамлар гуруҳи бошқарди. Иккинчи бўлимда жароҳат олган бош ҳакам ўрнига тўртинчи ҳакам Карлос Фернандес Буэрго майдонга тушди.

"Реал" ТВдагилар биринчи бўлимда Лукас Васкес урган голни бекор қилинганини танқид қилишди. Ҳакамлар ўша вазиятда Начо Фернандес Юссуй Эн Несирига нисбатан қўполлик ишлатди деб топишди.

"Фол йўқ эди, ҳамма кўрди. Бу даҳшатли. Шармандалик! "Севилья"га қарши баҳсда шундай ҳакамлик гувоҳи бўлдик. Фақатгина бугун эмас, йил бўйи. Бу вазиятда умуман контакт йўқ эди.

Ҳакамларнинг хатолари 2020/21 мавсумда "Реал"ни чемпионликда айирган. Бугун биринчи 10 дақиқаликдаги хатолар биринчи бўлимда ғалаба қозонишимизга имкон бермади" - деди бошловчи.