“Реал” сўнгги 12 йилдаги энг ёмон натижани қайд этди
14 янв 2018 07:26
Янгиликлар

“Реал” сўнгги 12 йилдаги энг ёмон натижани қайд этди

Хабар берганимиздек, кеча оқшом Мадриднинг “Реал” клуби Испания чемпионатининг 19-тури доирасида ўз майдонида “Вильярреал”га 0:1 ҳисобида ютқазиб қўйганди.

“Қироллик клуби” 18та ўйиндан сўнг 32 очко жамғариб, турнир жадвалида 4-ўринни эгаллаб турибди. Бу билан Зинедин Зидан шогирдлари пешқадам “Барселона”дан 16 очкога ортда қолишяпти.

Ушбу кўрсаткич “Реал” тарихидаги сўнгги 12 йилдаги энг ёмон натижа бўлиб турибди. Мадридликлар 2005/06-йилги мавсумда 18-турдан сўнг 30 очко тўплаганди. Ўша йилги чемпионатда “Барселона” “Реал”ни 12 очкога ортда қолдирган ҳолда Испания чемпиони бўлган эди.