"Реал Мадрид" футболчиси ҳам Ўзбекистонга қарши майдонга туша олмайди
30 апр 2023 14:00
Янгиликлар

"Реал Мадрид" футболчиси ҳам Ўзбекистонга қарши майдонга туша олмайди

"Реал Мадрид"нинг ёшлар жамоаси ҳисобланган "Кастилья"нинг аргентиналик ярим ҳимоячиси Нико Паз ўз мамлакатида ўтказиладиган жаҳон чемпионатида иштирок эта олмайди. Бу ҳақда аргентиналик журналист Гастон Эдул хабар берди.

Қайд этилишича, мадридликлар футболчини терма жамоа ихтиёрига қўйиб юборишни истамаган. Шунингдек, "қаймоқранглилар" уругвайлик Винисиус Тобиас ва бразилиялик Эндрикка ҳам мундиалда иштирок этишига рухсат бермаган.

Аввалроқ Англиянинг "Манчестер Юнайтед" клуби аргентиналик бошқа футболчи Алехандро Гарначонинг терма ихтиёрига қўшилишига рад жавобини берганди.

Эслатиб ўтамиз, мусобақа мезбонлари "А" гуруҳида Ўзбекистон, Гватемала ва Янги Зеландияга қарши майдонга тушади.

Ҳавола :

Манба : twitter.com/gastonedul

Янгиликларни Телеграмда ўқинг!

Рейтинг: +7