"Реал" Луниннинг келажаги борасида бир қарорга келди
22 мар 2024 12:58
Янгиликлар
Мадриднинг "Реал" клуби дарвозабон Андрей Лунинни ўзида сақлаб қолмоқчи ва у учун янги шартнома тайёрлади. Бу ҳақда инсайдер Фабрицио Романо хабар берди.
Томонлар ўртасидаги амалдаги келишув 2025 йилнинг июнигача амал қилади. "Қаймоқранглилар" футболчига янги битим таклиф қилишга ва уни узоқроқ муддатга клубда қолдиришга тайёр. Бироқ ҳаммаси ўйинчининг ўзига боғлиқ бўлади.
Лунин жорий мавсум Тибо Куртуанинг жароҳати туфайли "Реал"нинг асосий дарвозабони ҳисобланади. Бироқ кейинги мавсумда украиналик яна иккинчи рақамга айланади. Бельгияликнинг қайтиши унинг келажаги ҳақидаги қарорларига таъсир қилиши мумкин.
25 ёшли посбон ушбу мавсум барча турнирларда 23 та ўйин ўтказиб, шулардан 10 тасида дарвозаси дахлсизлигини сақлаб қолди.
Ўхшаш янгиликлар
championat.asia
ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"
Арда Гюлер: "Алонсо дарвозада турасан деса, қўлқоп сотиб оламан"
Суперлига. "Пахтакор" финал олдидан меҳмонда "Хоразм"ни енгди, икки жамоа ўйинни 10 киши тугатди
Суперлига. "Қизилқум" ўз майдонида "Динамо" устидан ишончли ғалабага эришди
Фикрлар