Аввалига 27 март куни Доҳада ўтказилиши режалаштирилган Финалиссима ҳал қилувчи музокаралар натижасида Испанияга кўчирилди. Учрашувни қабул қилиш учун энг катта фаворит ҳисобланган "Сантьяго Бернабеу" танланди.
AS нашрининг маълум қилишича, Жанубий Америка чемпиони Аргентина ва Европа чемпиони Испания ўртасидаги мазкур баҳсни айнан мадридликлар стадиони қабул қилади. Бу жаҳон миқёсида катта аҳамиятга эга тўқнашув бўлиб, у мумкин бўлган энг яхши аренада: Испания пойтахтида ва 2030 йилги Жаҳон чемпионати финалини ҳам қабул қилиши мумкин бўлган иншоотда ўтказилади.
