Расмий хабар: "Навбаҳор" ярим ҳимоячиси клубни тарк этди

5 август куни жамоамизнинг тожикистонлик 24 ёшли маҳоратли ярим ҳимоячиси Амирбек Жўрабоев клуб раҳбарияти ва мураббийлар штаби билан ўзаро келишган ҳолда, оилавий сабабларга кўра, “Навбаҳор”ни тарк этди.

Амирбек Жўрабоев “лочинлар” таркибига ўтган йилнинг 2-даврасида Тожикистоннинг “Истиқлол” жамоасидан қўшилганди.

Мазкур футболчи наманганликлар таркибида Суперлига баҳсларида жами 15та ўйинда майдонга тушиб, 1028 дақиқа тўп тепди. Биз Амирбек Жўрабоевга жамоамиздаги фаолияти ҳамда ажойиб ўйинлари учун миннатдорчилик билдириб, кейинги футболчилик фаолиятида омад ёр бўлишини тилаймиз, - дейилади "Навбаҳор" матбуот хизмати хабарида.