"Валенсия" ва Женнаро Гаттузо шартномани бекор қилишга келишиб олди, деб хабар берди клуби расмий сайти.
"Валенсия" раҳбарияти натижалардан норози. Негаки, чемпионатдаги жамоа сўнгги ўнта ўйиндан атиги биттасида ғалаба қозониб, 14-ўринга тушиб кетди – жамоани 18-ўриндан атиги бир очко ажратиб турибди. Шунингдек, "кўршапалаклар" ўтган ҳафта Испания Кубогидан чиқиб кетганини қайд этиш жоиз. Гаттузо таркибни кучайтиришни талаб қилди, аммо клубнинг молиявий аҳволи жиддий трансферларни амалга оширишга имкон бермаяпти.
Женнаро Гаттузо "Валенсия" бошқарувига ўтган ёзд келган эди. Бунгача италиялик мутахассис "Наполи" ва "Милан"да ишлаганди. Гаттузонинг мураббийликдаги асосий ютуғи неаполликлар билан 2020 йилда қўлга киритилган Италия Кубогидир.
