"Қўқон-1912": Меҳрибонлик уйига ташриф ФОТО
10 мар 2016 11:56
Янгиликлар

"Қўқон-1912": Меҳрибонлик уйига ташриф ФОТО

Теглар : Қўқон-1912

Юртимизда савоб ишни ҳар ким, ҳар қачон қилиш керак деган нақл ажойиб бор. Бир-бирига меҳр мурувват кўрсатиш ҳам бизларга хос одатлардан бири саналади.

Боқувчисини йўқотган, ёрдамга муҳтож болаларга ҳукуматимиз томонидан алоҳида эътибор кўрсатиб келинаётгани ҳеч кимга сир эмас.

Таъкидлаш жоизки, вилоятимизда ҳам бу борада кенг кўламдага ишлар амалга оширилмоқда. Меҳрга муҳтож болалар ҳолидан хабар олиш эса ҳар биримиз учун ҳам қарз, ҳам фарз.

Сўнгги пайтларда меҳрибонлик уйи тарбияланувчиларига бағишланган турли хайрия акциялар ўтказиш одат тусига айланган. Бу бежиз эмас албатта. Зеро жаннатмакон диёримизда меҳр-оқибати, мухтожларга беминнат ёрдам бериб келаётган инсонлар сони жуда кўп.

Худди шундай акция кеча Қўқонда ҳам ташкил этилди. Қаҳрамонжон Исроилов ва Илҳомжон Қундузов бошчилигидаги “Қўқон-1912” жамоаси мухлис клуби аъзолари Қўқон шаҳридаги 12-сонли мехрибонлик уйида хайрия акциясини ўтказишди. Бу акцияда шунингдек, “Қўқон-1912” жамоасининг етакчи футболчилари ҳам иштирок этишди.

Меҳрибонлик уйи тарбияланувчиларига мухлислар клуби аъзолари томонидан тайёрланган совғалар, спорт кийимлари ва футболчиларнинг дастхатлари туширилган футбол тўпларини, жамоамиз етакчилари Азиз Тўхтабоев, Наврўз Алимов ва Орифжон Мамажоновлар топширишди.

Учрашув сўнгида эсдалик учун суратга тушилди.

Ўз навбатида болажонлар бундай эътибор ҳамда ажойиб хайрия акцияси учун ташкилотчиларга самимий миннатдорчилик билдирдилар.