Қатар терма жамоаси бугун нохуш анъанага чек қўя оладими?

 Бу Қатар Республикасининг учинчи Осиё кубогига мезбонлик қилиши ҳисобланади. Бунга қадар қатарликлар 1988 ва 2011 йилларда бўлиб ўтган қитъа биринчилигига мезбонлик қилишган. Бироқ ҳар икки очилиш учрашувида ҳам Қатар терма жамоаси 0:2 ҳисобида мағлуб бўлган.

 1988 йилги турнирда Қатар Эрондан 0:2 ҳисобидаги мағлубиятни қабул қилиб олган бўлса, Орадан 23 йил ўтиб Ўзбекистон терма жамоаси ҳам қатарликларни ушбу ҳисобда мағлуб этган.

Шунингдек, Қатар 2022 йилги ЖЧ баҳсларининг очилиш баҳсида ҳам Эквадорга 0:2 ҳисобида мағлуб бўлган.

Шу тариқа, қатарликлар ўз юртида бўлиб ўтган учала мусобақанинг очилиш учрашувида мағлуб бўлган ва ҳеч бирида гол уришга ҳам эришмаган.

Бугун Маркес Лопес шогирдлари ўзларининг тўртинчи имкониятидан қандай фойдаланишини 21:00 да старт оладиган ўйиндан кейин билиб оламиз.