Пшемислав Банашак: “Пахтакор” мамлакатдаги энг катта жамоа”

Пшемислав Банашак кеча "Пахтакор"нинг машғулотларида иштирок этди. Championat.asia эса футболчининг янги жамоадаги биринчи таассуротлари билан қизиқди.

 ⁃ “Пахтакор”даги биринчи машғулот қандай ўтди? Умуман, жамоадаги атмосфера қандай?

 ⁃ Жуда ажойиб. Ўйинчилар менга дўстона муносабатда бўлишди. Жамоадаги биринчи кун менга ёқди. 

 ⁃ Сўнгги мавсумдаги статистикангизга эътибор қаратсак, самарадордик ҳавас қилгудек эмас. Бунга фикрингиз қандай? 

 ⁃ Мен қўпинча 90 дақиқа ўйнамас эдим. Кўпинча захирадан, ўйиннинг сўнгги йигирма дақиқасида майдонга тушардим. Охирги мавсумда эса асосий таркибда менга имконият беришди ва голлар кирита бошладим. Мисол учун, охирги уч ўйинда иккита гол урдим.

 ⁃ Нега айнан “Пахтакор”ни танладингиз? Бошқа таклифлар ҳам бормиди?

 ⁃ Ҳа, менда бир неча таклифлар бор эди. Польшанинг биринчи лигасидан, Қозоғистоннинг “Атирау” клубидан таклифлар мавжуд эди. Аммо мен “Пахтакор”ни танлашга қарор қилди. Сабаби, бу клуб мамлакатдаги энг катта жамоа. Мураббий ҳам мени жамоада кўришни истади. Клубдаги ҳамма мени жамоага келишимни истади. Бу эса ёқимли эди. Шу билан бирга, “Пахтакор”да ўйнаш келажакда менининг фаолиятим учун яхшигина фойда бўлади.