Превью. "Сўғдиёна" - "Металлург"

«Сўғдиёна» (Жиззах) – «Металлург» (Бекобод)
3 август 2016. Жиззах. "Жиззах" стадиони. 19:00
Ҳакамлар: Ҳ. Рўзиев (Тошкент), О. Абдувосилов (Тошкент), С. Шоюсупов (Тошкент), К. Расулов (Қарши)
Назоратчи: Р. Айтеков (Тошкент).
УзПФЛ вакили: В. Леткин.
 
“Сўғдиёна” ва “Металлург” олий лигада 29 бора тўқнаш келишган. Натижалар тенгликни кўрсатмоқда.

“Сўғдиёна” ушбу рақибни 12 марта мағлуб этган. 6та ўйинда дуранг қайд этилган. “Металлург” эса “Сўғдиёна”ни 11 марта талсим қила олган. “Сўғдиёна” ўзаро ўйинларда 44та гол урган, “Металлург” футболчилари 40 марта жиззахликлар дарвозасини ишғол этишган. Жиззах клуби ўзаро ўйинларда 42 очкога эга бўлган, Бекобод клуби ҳисобида 39 очко бор. “Металлург”нинг ўзаро ўйинларда энг йирик ғалабаси 4:2га тенг бўлса, “Сўғдиёна”нинг энг йирик муваффақияти 4:0 бўлиб турибди.

Биринчи даврада Бекободдаги ўйинда "Металлург" ғолиб бўлган. Мезбонлар сафида Зоҳид Абдуллаев дублга эришган бўлса, "Сўғдиёна" сафида Фаррух Шотурсунов гол урганди - 2:1. Қизиғи Шотурсунов иккинчи даврани "Металлург"да бошлади. 

“Сўғдиёна” майдонида ўтган сўнгги беш учрашув:
18.04.2015 «Сўғдиёна» - «Металлург» 0:0
26.09.2014 «Сўғдиёна» - «Металлург» 5:4
05.10.2013 «Сўғдиёна» - «Металлург» 2:1
13.08.2011 «Сўғдиёна» - «Металлург» 3:1
12.09.2009 «Сўғдиёна» - «Металлург» 3:2

Ўзаро ўйинлар ҳақида факт: “Сўғдиёна” майдонида бўлиб ўтган 14та ўйиннинг 9тасида мезбонлар ғалаба қозонишган, 3 марта ғолиб аниқланмаган. “Металлург” сафарда икки марта уч очкони ўзиники қилган. “Сўғдиёна” ўз уйида “Металлург”га қарши кечган охирги беш ўйинда умуман ютқазмаган.