Превью. "Бухоро" - "Машъал"

«БУХОРО» – «МАШЪАЛ»
1 июнь. Бухоро. "Бухоро" стадиони. 19:00
Ҳакамлар: В.Цейтлин, А.Цапенко, А.Пўлатов, Д.Жалимов
Назоратчи: А.Арутюнов.

Бу икки клуб олий лигада 24 бор куч синашишган. Натижалар “Машъал”нинг устунлигини кўрсатмоқда. Муборакликлар 11 та ўйинда ғалаба қозонишган, 7 баҳс дуранг билан якунланган. 6 та ўйинда “Бухоро” зафар қучган. Тўп киритиш борасида ҳам “Машъал” олдинда – 35:22. Ўзаро ўйинларда “Бухоро” 25 очкога эга бўлган, “Машъал” ҳисобида эса 40 очко мавжуд.

“Бухоро”нинг “Машъал” устидан қозонган энг йирик ғалабаси – 4:0. “Машъал”нинг ҳам “Бухоро” устидан ўзаро ўйинлардаги энг йирик муваффақияти 4:0ни ташкил қилади.

Ўтган мавсум “Машъал” олий лигада ўйнамаганди.  2012 йилдаги иккала учрашувда ҳам дуранг қайд этилган. Бухородаги илк баҳсда мезбонлар легионери Михаил Какаладзенинг голига меҳмонлардан Самандар Шодмонов жавоб берган – 1:1. Муборакдаги ўйинда биринчи голни Павел Соломин урган, “Бухоро” таркибида Бахриддин Ваҳобов ўзини кўрсатган – 1:1.

Бухорода ўтган сўнгги беш учрашув:    
07.04.2012 «Бухоро» – «Машъал»  1:1
28.05.2011 «Бухоро» – «Машъал»  2:0
16.05.2009 «Бухоро» – «Машъал»  1:1
29.03.2008 «Бухоро» – «Машъал»  0:0
17.03.2007 «Бухоро» – «Машъал»  0:1

Ўзаро ўйинлар ҳақида факт: Бухородаги ўйинларда мезбонлар беш марта ғолиб бўлишган. Яна бешта баҳсда дуранг қайд этилган. Фақат икки бор “Машъал” сафардан ғалаба билан қайтган. Сўнгги бор “Бухоро” ўз уйида бу жамоага 2007 йил мағлуб бўлган.