Превью. "Андижон" - "Сўғдиёна"

«Андижон» (Андижон) – «Сўғдиёна» (Жиззах)
25 октябрь 2015. Андижон. "Соғлом Авлод" стадиони. 16:00
Ҳакамлар: О. Талибжонов (Тошкент), Р. Нўъмонов (Тошкент), А. Калинин (Қарши), А. Эргашев (Тошкент)
Назоратчи: Р. Серазетдинов (Тошкент).

“Андижон” ва “Сўғдиёна” олий лигада жами 35 бора тўқнаш келган. Натижалар мутлақо тенгликни кўрсатмоқда.

“Андижон” 14та ўйинда ғалаба қозонган. “Сўғдиёна” ҳисобида 14та ғалаба бор. Етти ўйин дуранг билан якунланган. “Андижон” ҳам, “Сўғдиёна” ҳам 52та гол урган. Икки жамоа ўзаро учрашувларда 49тадан очкони ўз ҳисобига ёзиб қўйишган. Ўзаро ўйинлардаги энг йирик ғалабалар қуйидагича:  “Андижон” - “Сўғдиёна” 4:1,  “Сўғдиёна ” - “Андижон ” 5:0.

Биринчи даврада “Сўғдиёна” ўз майдонида “бургутлар”га ютқазиб қўйган. Асқар Жадигеров ва Лочин Солиев томонидан урилган голларга “Сўғдиёна” вакили Музаффар Музаффаров жавоб берган – 1:2.

Андижонда ўтган сўнгги беш учрашув:
06.06.2014 «Андижон» - «Сўғдиёна» 1:2
12.03.2011 «Андижон» - «Сўғдиёна» 2:1
18.04.2009 «Андижон» - «Сўғдиёна» 4:3
03.05.2008 «Андижон» - «Сўғдиёна» 0:0
25.09.2006 «Андижон» - «Сўғдиёна» 2:0

Ўзаро ўйинлар ҳақида факт: “Андижон” ўз майдонида 9 бор ғалаба қозонган. Уч марта жамоалар дуранг қайд этишган. Жиззах клуби сафарда “Андижон”ни 3 марта таслим қилган.