Предраг Вуйович: “Тиббий марказдан рухсат беришмаганидан сўнг Сербияга қайтишга мажбур бўлдим”

Бунга сабаб футболчи тиббий кўрикдан муваффақиятли ўта олмаганидир. Сербиялик футболчи билан куни-кеча алоқага чиқдик ва ўзаро салом-аликдан сўнг ундан бу борада яна сўрадик.

- Сербияда тиббий кўрикдан ўтдим. Барчаси жойида. Аммо тиббий марказдан рухсат беришмади. Рухсат беришмас экан, Ўзбекистонда нима ҳам қиламан. Тиббий марказдагилар Сербияда кўрикдан яхши ўтсанг сенга рухсат берамиз дейишганди. Аммо барибир йўқ дейишди. Менга рухсат беришмаётгани ачинарли, аммо нима ҳам қила оламан. Бош мураббий Эдгар Гессни ҳам клубдан кетди деб эшитдим, менга шундай дейишди.

- “Андижон” билан ноябрь ойининг сўнгги кунигача амалда шартномам мавжуд. Айни дамда уйда оила даврасидаман. Албатта ўзим якка тартибда спорт формамни йўқотмаслик мақсадида шуғулланиб турибман. Айни дамда менга бир қатор таклифлар бўлмоқда. Ливан клубларидан бири қизиқиш билдирмоқда. Кўрамиз воқеалар ривожи қандай тус оларкин – дейди Предраг Вуйович.

Исломбек Рустамбеков.