“Бизда кейинги босқичга чиқиш учун яхшигина имконият бор. Албатта, ўйин оддий бўлмайди. Ва биз биринчи ўйиндаги натижани унутишимиз керак. Эрик Дайер ва Ҳарри Уинкс ҳақида қарорни ўйиндан аввал чиқарамиз. Дайер анчадан бери ўйнагани йўқ. Шу боисдан ҳам у ўйинни захирадан бошлаши аниқроқ. Ўйинни юқори даражада бошлаш биз учун муҳим. Юқори темп билан биринчи дақиқаларданоқ тажовузкор ўйин кўрсатиш керак. Бу эса муваффақиятнинг калити бўлади”,—дейди Почеттино.
Эслатиб ўтамиз, “Боруссия Д”—“Тоттенхэм” баҳси 5 март санасида бўлиб ўтади.
