2018 йил январь ойида француз футболчиси "Арсенал"дан "Боруссия"га ўтиши мумкин эди. Бироқ якунда у Лондон клубидан "Челси"га трансфер қилинган.
Жирунинг айтишича, бу қарорда рафиқаси Женнифернинг муносабати муҳим роль ўйнаган.
"У: "Буни унут. Агар ҳозир мени бошқа давлатга, Германияга, устига-устак Дортмундга олиб кетсанг... сени ўлдираман", — деди", — дея 40 ёшли французнинг сўзларини Canal+ келтиради.
Оливье ва Женнифер 2011 йилдан буён турмуш қурган. Уларнинг тўрт нафар фарзанди бор.
Жаҳон чемпиони фаолияти давомида "Тур", "Монпелье", "Арсенал", "Челси", "Милан" ва "Лос-Анжелес" клубларида ўйнаган. Жиру аввалроқ жорий мавсум эҳтимол унинг футболчи сифатидаги сўнгги мавсуми бўлишини айтган.
"Бу, эҳтимол, футболчи сифатидаги сўнгги мавсумим. Ҳар бир лаҳзадан завқ оляпман", — деган Жиру.
