Почеттино "Бавария"га қарши ўйиндан сўнг: "Рақиб жамоа ҳар бир зарбани голга айлантирди"
02 окт 2019 06:55
Янгиликлар

Почеттино "Бавария"га қарши ўйиндан сўнг: "Рақиб жамоа ҳар бир зарбани голга айлантирди"

"Тоттенхэм" бош мураббийи Маурисио Почеттино ЕЧЛнинг 2-турида "Бавария"га учралган йирик мағлубият (2:7) ҳақида тўхталди.

"Ҳаммасини тушунтириб беришим учун менга вақт керак. 30 дақиқа яхши ўйнадик, юқори босим қила олдик. Аммо омадимиз келмади ва биринчи бўлимга қўшиб берилган вақтда гол ўтказиб юбордик. Рақиб жамоа ўз ўйинини чиройли намойиш этиб берди. Пеналтидан кейин, бизда учинчи голни уриш учун имконият бўлди, лекин аксига олиб 83 ва 88 дақиқалар оралиғида 3 бор дарвозамиздан тўп олиб чиқдик.

Футболда бундай ҳолатлар кузатилади. Ҳар бир зарба голга айланиб кетди. Натижадан жуда ҳам афсусдамиз, лекин ягона мақсадимизда қоламиз. Ўйлайманки, кучли менталитетга эгамиз. Натижадан хафамиз. "Бавария" ҳар бир зарбани голга айлантирди. Буни қабул қилиш қийин, лекин олдинга ҳаракат қилиш керак.

Бундай натижадан сўнг, ўзига ишониш муҳим ҳимобланади. Бу тикланиб олишнинг ягона йўли", – дейди Почеттино.