Пляж футболи: Ўзбекистон терма жамоаси чорак финалда БААга мағлуб бўлди

Таиланднинг Пхукет шаҳрида пляж спорт турлари бўйича Осиё Ўйинлари давом этмоқда. Осиё Ўйинларининг пляж футболи мусобақасида иштирок этаётган Ўзбекистон терма жамоаси чорак финалда БАА терма жамоасига қарши баҳс олиб борди. Голларга бой учрашув 6:4 ҳисобида БАА терма жамоасининг ғалабаси билан якунига етди. Ўзбекистон терма жамоаси сафида Жамолиддин Шарипов хет-трик қайд этган бўлса, яна бир голга Тоҳир Абдураззоқов муаллифлик қилди.

Чорак финалда мағлуб бўлган Аҳад Юсупов бош мураббийлигидаги Ўзбекистон терма жамоаси пляжчилари энди 5-8 ўринлар учун курашни давом эттирадилар. Ўзбекистон терма жамоаси кейинги ўйинда 20 ноябрь куни Таиланд - Эрон жуфтлигида мағлубиятга учраган жамоага қарши баҳс олиб боради.

Осиё Ўйинлари. Пляж футболи. Эркаклар. Чорак финал. 19 ноябрь

БАА - Ўзбекистон 6:4
Голлар: Салим Аҳмад (1, 11), Ҳасан Ал Ҳаммади (4), Али Ал Блуши (6), Муҳаммад Ал Жасми (12), Одил Ранжбар (13) - Жамолиддин Шарипов (3, 31, 33), Тохир Абдураззоқов (19)