Пепе Каванига етиб олди, олдинда фақат Мбаппе қолди

Кеча 23-тур доирасида “Лилль” жамоаси ўз майдонида “Ницца”ни қабул қилиб, 4:0 ҳисобида ғалаба қозонди. Голларда бирига 23 ёшли ҳужумчи Николя Пепе муаллифлик қилди. Унинг жорий мавсум Франция чемпионатида урган голлари сони 16 та бўлди ва у Эдинсон Каванига етиб олди. Кавани ҳам 16 та гол киритган. Рўйхатда эса 18 та гол урган Килиан Мбаппе пешқадам бўлиб турибди.

Мазкур ўйинда Пепе битта голли узатмани ҳам амалга оширди. У гол+пас тизимида ҳозирча 27 очко(16 та гол+11 та голли узатма) тўплади, ундан олдинда эса фақат Мбаппе бор — 28 очко (18 та гол+10 та голли узатма).